Favqulodda vaziyatlarda tezkor, birgalikda, tartibli harakat qilish turli nojo‘ya natijalarning oldini oladi. Bunda mobil harakatlanish, taktik yo‘nalishni aniq belgilash ayniqsa muhim. Fuqarolar hayotiy xavfsizligini ta’minlash, tarqalish ehtimoli yuqori bo‘lgan yuqumli kasalliklarning barvaqt oldini olish sanitariya-epidemiologik xizmat tizimi xodimlariga alohida mas’uliyat yuklaydi.
“Dolzarb 30 kun” oyligi doirasida Sanitariya-epidemiologik qo‘mitasi Xatirchi tuman bo‘limi hamkor tashkilotlar bilan taktik-o‘quv mashg‘ulotida qatnashdi. Shartli hosil qilingan vaziyatlarda harakatlanish ko‘nikmalarini namoyish etdi.
Bu singari tadbirlar xodimlarning malaka, uquv va ko‘nikmalarini takrorlashda asqotadi.
