Jahon sogʻliqni saqlash tashkiloti gamburger, chizburger, hotdog, «kiriyeshki», «xrustyashki», chips, energetik va gazlangan ichimliklar va shu kabi turdagi mahsulotlarni kundalik taomnomadan chiqarishni tavsiya qiladi. Qolaversa, ular Oʻzbekistondagi umumtaʼlim muassasalarida ruxsat etilmaydigan oziq-ovqat va taomlar roʻyxatiga kiritilgan.
Xususan, umumiy oʻrta, oʻrta maxsus, professional taʼlim muassasalarida oʻquvchilar ovqatlanishini tashkil etishning sanitariya qoidalari, normalari va gigiyena normativlariga koʻra, maktab oshxonalarida sotilishi taʼqiqlangan taomlar roʻyxati Sogʻlikni saqlash vazirligi tomonidan tasdiqlangan. Navoiy viloyat Sanitariya-epidemiologik osoyishtalik va jamoat salomatligi boshqarmasi hamda shahar boʻlimi xodimlari Navoiy shahridagi 22-umumtaʼlim maktab oshxonasida monitoring oʻtkazib, zarur tavsiyalar berdi.
