Korrupsiyaga qarshi ichki nazorat tuzilmasi mutaxassislari uchun seminar tashkil etildi

2024 yilning 28 mart sanasida O‘zbekiston Respublikasi Sog‘liqni saqlash vazirligi huzuridagi Sanitariya-epidemiologik osoyishtalik va jamoat salomatligi qo‘mitasining Korrupsiyaga qarshi kurashish bo‘limi mutaxassislari E.Danayev va D.Kattabekovlar tomonidan “2024 yil 1-chorak hisobotlarini sifatli topshirish tartibi to‘g‘risida” seminar videokonferensaloqa (VKS) tarzida tashkil etildi.

Seminarda Sanitariya-epidemiologik osoyishtalik va jamoat salomatligi qo‘mitasining Respublika muassasalari hamda Qoraqalpog‘iston Respublikasi, Toshkent shahar va viloyatlar boshqarmalari Korrupsiyaga qarshi kurashishga mas’ul mutaxassislari ishtirok etishdi.