IMMUNOLOGLAR UCHUN SEMINAR

Toshkent viloyati Boʻstonliq tumanida JSST (Jahon sogʻlikni saqlash tashkiloti) tashabbusi bilan Respublika miqyosida 2024 yil davomida Oʻzbekiston Respublikasi Milliy emlash kalendari asosida oʻtkaziladigan profilaktik emlashlar, vaksinalarni sovuqlik zanjiri qoidalari asosida tashilishi, saqlanishi, respublikada qizamiq kasalligi profilaktikasi, poliomiyelitning chetdan kirib kelishi va keng tarqalishi oldini olish borasida hududlarda olib borilayotgan ishlar yuzasidan seminar-trening tashkil etildi.

Unda viloyatlarning kengaytirilgan immunizatsiya dasturi boʻyicha bosh mutaxassislari ishtirok etdi.

Seminarda Navoiy viloyati nomidan viloyat Sanitariya-epidemiologik osoyishtalik va jamoat salomatligi boshqarmasi immunoprofilaktika boʻlimi mudiri, viloyat boʻyicha kengaytirilgan immunizatsiya dasturi boʻyicha bosh mutaxassis (RPI menejer) Doston Sayfulloyev ishtirok etib, viloyatda immunizatsiya sohasida amalga oshirilgan ishlar toʻgʻrisida taqdimot qildi.