MAYMUN CHECHAGI VA UNI ANIQLASH USULLARI

Dunyodagi epidemiologik vaziyat butun insoniyatni xatardan voqif etyapti, minglab mutaxassislar bu xususida bong urmoqda. Jahon sogʻlikni saqlash tashkiloti maymun chechagini favqulodda holat, deb eʼlon qildi. Sanitariya-epidemiologik osoyishtalik va jamoat salomatligi Navoiy viloyat boshqarmasi Virusologiya laboratoriyasida maymun chechagi kasalligi va maymun chechagi virusining DNK (dezoksiribonukleyin kislotasi)ni PZR (polimerazli zanjir reaksiyasi) usulda aniqlash boʻyicha oʻquv seminar oʻtkazyapti. Seminarni boshqarma boshligʻi oʻrinbosari N.Husenov ochib berdi va uning ahamiyati toʻgʻrisida gapirdi.

Tekshiruv jarayoni qisqa muddatli va aniqlik darajasining yuqoriligi bilan ham samarali hisoblanadi. Bunday tekshiruv usulini oʻtkazilishi minimal darajadagi koʻnikmalarni talab etadi va tekshiruv oʻtkazish uchun alohida xona ajratilishini talab etmaydi.